Често купував од Essence Cosmetics и најчесто тоа беа маскарите затоа што покрај ниските цени нудат висок квалитет. Маскарата Lash Princess мислам дека нема блогерка која што ја нема пробано и сите рецензии што ги прочитав беа позитивни па морав и јас да ја купам.
Во оваа маскара се заљубив уште при првото користење и едвај чекав да ви пишам рецензија. Иако при првото користење имаше потечна текстура со тек на користење беше совршена.
За цена од 260 ден добивате 12 мл производ и има рок на користење 6 месеци.
Не се рони при нанесување што е голем плус. Не е водоотпорна и лесно се отстранува.
Морам да напишам нешто и за самото паковање кое што е преслатко и елегантно. Essence секогаш ме изненадува со преслатките паковања.
Единствен минус е што после неколку часа многу малку ми се пресликува на горниот капак, ама морам да напоменам дека имам мрсни капаци па најчесто нанесувам камена пудра преку целиот капак и немам таков проблем.
Маскарава ви препорачувам да ја пробате јас сум многу задоволна, можете да ја најдете во сите продажни места на Essence Козметика.
Show Konversi KodeHide Konversi Kode Show EmoticonHide Emoticon