Bourjois Radience Reveal Concealer Review ~ Makeup & Skincare

Коректор користам секојдневно, преферирам коректори во светли бои и со лесна текстура затоа што најчесто ги користам во пределот под очите за да го осветлам тој дел. Од покривност преферирам лесна до средна покривност затоа што немам проблем со темни кругови под очите. Денес ќе ви пишувам за еден од најновите коректори од Bourjois Radience Reveal, а како ги исполни моите очекувања ќе читате во текстот подолу.

Амбалажата од овој коректор ме освои најмногу, изгледа прекрасно и практично. Изгледа многу поскапо баш како high end производ.

Овој коректор би требало да хидрира, да осветли и да ги прикрие несовршеностите.

Самата текстура од коректорот е многу кремаста и средно густа, дава лесна/средна покривност. Јас го нанесувам во два тенки слоеви, ми дава средна покривност, многу го осветлува делот под очите и што е најважно не ми се собира во линии и не изгледа суво и "cakey".

Ако барате коректор за осветлување (хајлајт) ви го препорачувам да го пробате овој коректор, особено сега за лето многу лесно се чувствува на кожата. Ако барате коректор со фул покривност овој коректор нема да ги исполни вашите очекувања, затоа што не прекрива многу темни подочници.

Најдобро се нанесува со сунѓерче или со прсти со четка се прават линии и не се нанесува рамномерно.

Исто така приметив ако не го фиксирам со камена пудра после неколку часа се собира во линии, ама ако го фикстирам со камена/ пудра во прав изгледа одлично цел ден.

На сликите се гледа пред и потоа, мене ми се допаѓа и секако би го купила повторно заради многу лесната текстура. Како што гледате имам пеги и црвенило и порите ми се познаваат, а на втората фотографија пегите се покриени а порите блурирани.